УКМК: Бишкектин мурунку мэри Кулматовго айып тагылды

Дата: 08:50, 21-05-2018.

Бишкек. 21 май. КирТАГ – Бишкек шаарынын мурунку мэри Кубанычбек Кулматовго мурунку козголгон кылмыш иши боюнча айып тагылды. Бул тууралуу УКМКнын басма сөз кызматы билдирди.

Улуттук коопсуздук мамлекеттик кызматы Кулматого коррупция беренеси боюнча иш козгогон.

Кулматовго Бишкек шаарына мэр болуп турган жылы (2014) TBEA компаниясы Калыс-Ордо мектебине Бөлгөн 2 млн доллар гранттык каражатты мыйзамсыз иштеткен деген айып тагылууда.

Маалыматка караганда, ал каражат аймактарга эки мектеп салууга берилсе, Кулматов аны өкмөттөн мэриянын карамагына өткөртүп, "Калыс-Ордо" жаңы конушуна мектеп салуу шылтоо менен бөлдүрүп алган. Экс-мэр "Альто Групп" ишканасынын жетекчиси менен сүйлөшүп сынаксыз эле келишимге кол коюп, кытай компаниясынан 1 миллион доллар бөлдүртүп алган. Аталган конуштагы мектепти салууга шаардык бюджеттен кошумча 100 миллион сом да бөлүнгөн.

Учурда ишти аткарган компаниянын жетекчилеринин бири кармалыя,  УКМКнын тергөө абагына киргизилди.

Кошумчалай кетсек, К.Кулматовдун үйү жана аны менен чогуу иш жасаган компаниянын кеңсеси тинтүүгө алынган.

Поделиться новостью: