Шаршембиде Кыргызстанда мезгил-мезгили менен жамгыр жаайт
Дата: 07:29, 18-07-2018.
Бишкек. 18 - июль. КирТАГ –Шаршемби түнкүсүн Чүй, Ысык-Көл, Нарын облустарында өткүн өтүп, күн күркүрөшү күтүлөт, Талас, Ош, Жалал-Абад, Баткен облустарында жаан-чачын күтүлбөйт. Күндүз Ысык-Көл, Нарын облустарында өткүн өтүп, күн күркүрөшү күтүлөт, калган аймактарда жаан-чачын күтүлбөйт. Батыштан соккон шамалдын ылдамдыгы 4-9 м/с - деп маалымдайт Кыргызгидромет.
Абанын температурасы күндүзү Чүй облусунда +30+35°С, Таласта +29+34°С, Баткен облусунда +33+38°С, Жалал-Абад жана Ош облустарында +33+38°С, Нарын облусунда +23+28°С, Иссык-Көл облусунда +21+26°С.
Бишкекте жаан-чачын күтүлбөйт. Абанын температурасы күндүзү +33+35°C.
Ошто да күн ачык. Абанын температурасы күндүзү +34+36°C.
