Депутат: Кыргызстандын президентинин самолету өтө эле эски

Бишкек. 18 октябрь. КирТАГ – Мунара Боромбаева. Кыргызстандын президенти Сооронбай Жээнбековду ташыган №1 борт өтө эле эски экендигин, учактынан абалынан уялаарын Жогорку Кеңештин «Республика-Ата-журт» фракциясынын депутаты Таабалды Тиллаев парламентте билдирди.

«Эл аралык сапарга чыкканда, президентибиздин самолету эски экендиги көзгө сайгандай көрүнүп турат. ТУ учагы бизде эле калган. Президентке жаңы самолет керек», - деди депутат.

Транспорт жана жолдор министри Жамшитбек Калилов №1 борту эски учак болгону менен абалы жакшы экенин маалымдады.

«Негизи эле №1 ТУ учагы Борбор Азияда бизде эле калган. Биз жаңы самолет сатып алуунун каржы булактарын караштырып жатабыз», - деди Калилов.

Депутат бюджеттеги каражаты карап отурбай,  каржылоонун башка булактарын караштыруунун сунуштады.

Белгилей кетсек, ТУ-154 самолету орус өндүрүшүүнө таандык.