«Бешинчи каналдан» парламенттик телеканал макамы алынды

Дата: 16:04, 07-08-2019.

Бишкек. 7 - август. КирТАГ  –  Президент Сооронбай Жээнбеков «Бешинчи канал» жабык акционердик коому жөнүндө» мыйзам күчүн жоготту деп таануу тууралуу» мыйзамга кол койду. Бул тууралуу өлкө башчынын басма сөз кызматы билдирди.

Мыйзам Жогорку Кеңеш тарабынан 2019-жылдын 26-июнунда кабыл алынган.

«Аталган мыйзамдын максаты «Бешинчи канал» жабык акционердик коомунун парламенттик телеканал статусун алып салуу жана «Бешинчи канал» жабык акционердик коому жөнүндө» мыйзамдын күчүн жоготту деп таануу болуп эсептелет», - деп айтылат маалыматта.

Поделиться новостью: