2019-жылдын аягына чейин Нур-Султан, Алматы жана Шымкентте 5G түйүнү ишке киришет
Бишкек. 21 - май. КирТАГ - 2019-жылдын аягына чейин Нур-Султан, Алматы жана Шымкентте 5G түйүнү ишке киришет, деп билдирет КазТАГ агенттиги Казакстандын премьер-министринин пресс-кызматына шилтеме менен.
«Өлкөнүн аймагын 5G менен камсыздоо үчун инфраструктура түзүү боюнча иштердин алкагында Нур-Султан, Шымкент жана Алматы шаарларына пилоттук долбоор киргизүү пландалууда. Жалпысынан 5G түйүнү менен 50 миң адам камсыздалаары күтүлүүдө», - деп айтылат маалыматта.
Өнүктүрүү, коргонуу жана аэрокосмикалык өндүрүш министрлигинин маалыматтары боюнча Казакстан АКШ, Түштүк Корея, Швейцария, Эстония сыяктуу жаңы түйүндү киргизүүнү тажрыйбага ашырууга киришкен он өлкөнүн катарында турат.