Кыргызстанда Орусия маданиятынын күндөрү өтүп жатат
Бишкек. 6-июль. КирТАГ – Кыргызстанда Орусия маданиятынын күндөрү ийгилик менен өтүп жатат.
Кыргызстанда Орусия маданиятынын күндөрүнүн салтанаттуу ачылышы 1-июлда Т. Сатылганов атындагы Кыргыз Улуттук филармониясында болуп өткөн. Иш чарага Кыргыз Республикасынын экс-президенти Роза Отунбаева да катышкан.
Г. Айтиев атындагы Кыргыз Улуттук көркөм өнөр музейинде «Евразия элдеринин маданиятындагы үй-бүлө. XX кылым» фото көргөзмөсүнүн ачылышы болуп, анда 80ге жакын уникалдуу фото сүрөттөр коюлган, ж.б. иш чаралар өткөрүлүүдө.
Орусия маданиятынын күндөрү 8-июлга чейин уланмакчы.